Qostanaı oblysynda kóshi-qon qyzmetiniń mamandary respýblıkalyq naýqan sheńberinde ótkizgen reıdtik is-sharalar barysynda zań buzǵan sheteldikterdi ustady, dep jazady Egemen.kz.
Sáýir aıynda sot sheshimimen elden shyǵarylýǵa tıis bolǵan kórshi eldiń azamaty sot sheshimin elemeı, jasyrynyp júrgen. Onyń buryn da birneshe márte ákimshilik jaýapkershilikke tartylǵany belgili bolǵan. Kóshi-qon qyzmetiniń mamandary quqyq buzýshyny memlekettik shekaraǵa deıin shyǵaryp saldy. Ol deportasııalandy jáne zańnamaǵa sáıkes 5 jyl merzimge elge qaıta kirýge tyıym salyndy.
Polisia.kz-tiń habarlaýynsha kóshi-qon qyzmetiniń úsh kúndik jedel is-sharasy barysynda taǵy 2 sheteldik azamat elden shyǵarylǵan. Sonymen qatar, kóshi-qon zańnamasyn buzýdyń 30-dan astam deregi tirkelgen. Onyń ishinde tirkeý merziminiń ótip ketýi, ýaqytsha bolý erejelerin saqtamaý jáne tıisti qujattardyń bolmaýy sııaqty zańbuzýshylyqtar bar.